Guardiola: Haaland nuk është gati për sfidën e radhës në FA Cup

Manchester City po përgatitet për sfidën e radhës në FA Cup, por në dyshim mbetet paraqitja e sulmuesit kryesor.

Bëhet fjalë për Erling Haaland, i cili pësoi një dëmtim në ndeshjen e fundit dhe kërkoi zëvendësim.

Trajneri Pep Guardiola konfirmoi se norvegjezi nuk është plotësisht i gatshëm.

“Erling Haaland nuk është 100 për qind, por do ta shohim sot se si ndihet. Doktori më tha se nuk është një problem i madh, por ai pati disa probleme gjatë ndeshjes kundër Fulham”, deklaroi Guardiola, transmeton Klankosova.tv

City do të përballet me Salford City në raundin e katërt të FA Cup, të shtunën nga ora 16:00.

Ndërkohë, klubi nga Manchesteri vazhdon të monitorojë tregun e transferimeve, me fokus të veçantë në përforcimin e krahut të djathtë të mbrojtjes. /Klankosova.tv