Arsenali fiton me dy autogolat e Wolves-it

Arsenali ka fituar me rezultat 2-1 ndaj Wolvesit në xhiron e 16-të të Premier Ligës.

Të tre golat i shënoi vendi i fundit në tabelë, Wolves.

Fillimisht, Topcinjtë kaluan në epërsi kur portieri Sam Johnstone shënoi autogol në minutën e 70-të.

Më pas, Wolvesi befasoi liderët kur gjeti golin në minutën e 90-të përmes Toluwase Arokodare-s.

Mirëpo, sërish një autogol, kësaj radhe i Yerson Mosqueras në minutën e katërt shtesë, solli epërsinë e Arsenalit, e me të edhe fitoren.

Me këto tri pikë, Arsenali zë vendin e parë me 36 pikë, pesë më shumë se Manchester City por që ka një ndeshje më pak.