Sonte nis spektakli i vitit BBVK, flasin ish-banorët (VIDEO)

Sot nis spektakli i shumëpritur “Big Brother VIP Kosova 4”, ndërsa në prag të startit kanë folur dy prej ish-banorëve të njohur, Blero dhe Bruno Pollogati.

Për emisionin “Ora 7”, Bruno Pollogati u shpreh se eksperienca në shtëpinë më të famshme ishte ndër më të bukurat e jetës.

“Ka qenë eksperienca më e bukur e jetës. Do kisha dashur të futesha përsëri dhe besoj se këtë herë do ta kisha fituar. Megjithatë, duhet të jesh vetvetja. Patjetër që ndonjëherë del nga vetja për gjëra të vogla, por nëse e ruan karakterin tënd të fortë, ia del dhe fiton”, tha ai.

Ndërkohë, Blero theksoi se formati është i krijuar për njerëz që duan sfidat dhe e shijojnë garën.

“Ky format është për njerëz që kanë qejf të sfidohen, për ata që i duan sfidat. ‘Big Brother’ do të mbetet gjithmonë në zemrën time”, tha këngëtari./Klankosova.tv