Qytetari dorëzon para të gjetura në Shupkovc, policia kërkon pronarin të lajmërohet

Një qytetar ka dorëzuar një shumë parash të gjetura në fshatin Shupkovc, në Stacionin Policor Jugu në Mitrovicë.

Policia fton personin që i ka humbur paratë të paraqitet në stacion ose të kontaktojë në numrin 192, transmeton klankosova.tv.

”Në orët e pasdites së sotme, në Stacionin Policor Jugu në Mitrovicë, një qytetar ka dorëzuar një shumë të parave të cilat i kishte gjetur në fshatin Shupkovc të Mitrovicës. Me qëllim identifikimin e pronarit të shumës së parave të gjetura, Policia e Kosovës fton personin që i ka humbur këto para të paraqitet në Stacionin Policor Jugu në Mitrovicë, ose të kontaktojë në numrin 192.
Policia falënderon qytetarin për përgjegjshmërinë dhe bashkëpunimin e treguar”.