A janë të sigurta rrezet X dentare?

Rrezet X dentare janë thelbësore për shëndetin oral. Ata mund të ndihmojnë dentistët të dallojnë çështje si kavitetet, absceset, rritjet jonormale dhe sëmundjet e mishrave të dhëmbëve, shpesh përpara se ato të bëhen serioze.

Por marrja e rrezeve X në pastrimet e rregullta dentare mund të shkaktojë ankth për disa.

Rrezet X dentare lëshojnë një formë energjie të quajtur rrezatim jonizues, i cili mund të dëmtojë ADN-në dhe të rrisë rrezikun për kancer, shkruan NY Times, transmeton Klankosova.tv

“Sasia e rrezatimit ndaj të cilit jeni ekspozuar gjatë rrezeve X të dhëmbëve është shumë e ulët”, tha David J. Brenner, drejtor i Qendrës për Kërkime Radiologjike në Universitetin e Kolumbisë.

Ai tutje shtoi: “Është shumë më e ulët se sa ishte dekada më parë, dhe shpesh më pak se rrezatimi total ndaj të cilit jeni i ekspozuar çdo ditë nga mjedisi juaj, si nga dielli, hapësira dhe materialet në tokë si shkëmbinjtë dhe toka”.