Kurti ndryshoi qëndrimin rreth Marrëveshjes së Washingtonit, Bajrami: Një nga 100 mashtrimet

Kandidatja për deputete nga radhët e Lidhjes Demokratike të Kosovës, Hykmete Bajrami, ka folur rreth ndryshimit të qëndrimit të kryeministrit Albin Kurti, për Marrëveshjen e Washingtonit.

Ajo tha se Kurti ka ndryshuar për 360 shkallë që kur ka ardhur në pushtet.

Sipas saj, e turpshme që shefi i ekzekutivit tashmë e ka një qëndrim të tillë, kur ka video me zë dhe figurë që Kurti dëgjohet duke e kritikuar Marrëveshjen e Washingtonit.

“Tha që është një marrëveshje që ka qëllim avancimin e prosperitetit ekonomik. Nëse kthehemi në histori dhe e shohim çfarë ka thënë për këtë marrëveshje, me të vërtetë është e turpshme se si një person me zë dhe figurë ka video që e kritikon pikërisht për këtë marrëveshje. Nuk e di se si kjo papritmas u bë e mirë. Kjo është një prej njëqind mashtrimeve që i ka bërë Kurti”, tha ajo në T7 transmeton Klankosova.tv

Nënkryetarja e LDK-së, shtoi se ndryshimi i qëndrimit të Kurtit s’është mashtrimi i vetëm.

“Ja ku jemi sot, qytetarët e shohin dhe e dinë se çfarë ka thënë Kurti për këtë marrëveshje kur është nënshkruar. Ky s’është mashtrimi I vetëm. I mashtroi për lirimin e rrymës, çerdhet, banesat”, tha ajo transmeton Klankosova.tv