Rrëshqitjet e dheut vranë të paktën 10 persona në shtetin Minas Gerais të Brazilit

Të paktën 10 persona kanë vdekur pasi rrëshqitjet e dheut i kanë përfshirë dy qytete në shtetin brazilian të Minas Gerais, thanë zyrtarët e shtetit.

Lagjja Bethania në qytetin Ipatinga ishte më e prekura nga rrëshqitjet e dheut, të cilat u shkaktuan nga shirat e rrëmbyeshëm.

Zyra e kryetarit tha se 204 mm shi ranë në Ipatinga të dielën në mëngjes.

Rrëshqitjet e dheut pas shirave të rrëmbyeshëm nuk janë të rralla në sezonin e shirave, me lagjet e ndërtuara në mënyrë të pasigurt në shpatet e pjerrëta të kodrave, shkruan BBC, transmeton Klankosova.tv.

Kryetari i bashkisë Ipatinga, Gustavo Nunes, shpalli gjendje të jashtëzakonshme.

Të paktën 150 njerëz kanë mbetur të pastrehë në qytet, i cili ndodhet rreth 570 km në veri të Rio de Zhaneiros.