Gjykata e lartë e Afrikës së Jugut e ndalon Zuman të kandidojë në zgjedhje

Gjykata më e lartë e Afrikës së Jugut ka ndaluar ish-presidentin, Jacob Zuma të kandidojë për parlament në zgjedhjet e përgjithshme të javës së ardhshme.

Gjykata Kushtetuese vendosi se dënimi i tij me 15 muaj burg për mospërfillje të gjykatës e skualifikoi atë, shkruan BBC, transmeton Klankosova.tv.

Zuma u dënua në vitin 2021 për refuzimin për të dëshmuar në një hetim që hetonte korrupsionin gjatë presidencës së tij që përfundoi në 2018.

Ai ka bërë fushatë nën flamurin e partisë së sapoformuar uMkhonto weSizwe (MK) pasi u përplas me Kongresin Kombëtar Afrikan në pushtet (ANC).

Sekretari i përgjithshëm i MK, Sihle Ngubane tha se partia ishte e zhgënjyer me vendimin, por kjo nuk do të ndikojë në fushatën e saj.