Në veri vendosen tabelat e vendbanimeve në shqip e serbisht (VIDEO)

Në veri të Kosovës janë hequr tabelat e vendbanimeve të shkruara në gjuhën serbe, për t’u vendosur shenjat zyrtare të vendbanimeve në Kosovë, njofton Klankosova.tv.

Këtë e ka bërë të ditur Lëvizja Vetëvendosje përmes një videoje të postuar në llogarinë zyrtare në Facebook.

“Hiqen shenjat serbe vendosen shenjat zyrtare të vendbanimeve në Kosovë”, thuhet në postimin e VV-së.

Deri më tani, në vendbanimet e komunave veriore, tabelat njoftuese kanë qenë vetëm në gjuhën serbe, dhe atë në alfabetin cirilik dhe atë latin.