Zjarr në një objekt banesor në Prishtinë

Një zjarr ka shpërthyer në një objekt banesor në lagjen Pejton në Prishtinë.

Rasti ka ndodhur në rrugën “Ukshin Hoti”.

Lajmin për Klankosova.tv e ka konfirmuar zëdhënësja e policisë për rajonin e Prishtinës, Flora Ahmeti.

Ahmeti tha se nuk u raportua për ndonjë person të lënduar.

“Në vendngjarje kanë dalë zjarrfiksit dhe policia të cilët po merren me rastin”, tha Ahmeti.

Nuk dihet ende shkaku i këtij zjarri.