Kajtazi: Kemi krijuar ëndërra dhe iluzione se jemi të fuqishëm sa edhe Amerikës ia kallxojmë vendin (VIDEO)

Opinionisti Vehbi Kajtazi, thotë se në Kosovë janë krijuar ëndrra dhe iluzione të cilat i bëjnë të mendojnë se janë më të fuqishëm se Amerika.

“Ajo që vërej unë në vazhdimësi është që secila përplasje e zotëri Kurtit me Shtetet e Bashkuara të Amerikës, këtij i rritet popullariteti në popull. Dhe nga vjen kjo sipas meje? Kjo vjen nga dëshira e madhe që ne të bëhemi të fuqishëm sa për t’i treguar Amerikës se kush jemi”, tha ai.

“Ne kemi ndërtuar ëndrra – iluzione se jemi dikushi sa edhe Amerikës t’i tregojmë vendin, e kjo është shumë problematike”, shtoi Kajtazi në emisonin Rubikon.

Ai mes tjerash tha se sa i përket intervistës së ndihmëssekretarit amerikan të Shtetit, James O’Brien lidhur me dinarin, pret që Kosova të dal dhe ti thotë deklaratë ‘naive’.

“Sa i përket intervistës së diplomatit amerikan, unë pres që Kosova të dal dhe t’i thotë deklarata naive, Siç i kanë thënë sekretarit amerikan të Shtetit. Nëse e analizon mirë fjalë për fjalë këtë intervistë mesazhe më të rrepta nuk kemi marrë asnjëherë”, u shpreh Kajtazi.

O’Brien, në një intervistë për Zërin e Amerikës tha se Shtetet e Bashkuara janë shumë të shqetësuara me vendimin e qeverisë së Kosovës për të mos lejuar përdorimin e dinarit. Ai tha se me këtë qëndrim, qeveria e Kosovës ka vënë në pikëpyetje partneritetin me SHBA-në.