Zelensky i Ukrainës bën një vizitë të papritur në rajonin e Baltikut

Presidenti ukrainas, Volodymyr Zelensky, udhëtoi për në Lituani të mërkurën dhe do të vazhdojë më pas vizitën në Letoni dhe Estoni në ditët në vijim, tha ai në një postim në rrjetin social X, i njohur më parë si Twitter.

Zelensky dhe presidenti i Lituanisë, Gitanas Nauseda do të mbajnë një konferencë të përbashkët shtypi të planifikuar për në orën 12:25 thanë autoritetet e Lituanisë.

Zelensky gjithashtu do të mbajë një fjalim publik, tha zyra e Nauseda.

​ Vizita e papritur në Vilnius, një mbështetës i vendosur i Kievit, vjen teksa pushtimi i plotë i Ukrainës nga Rusia po i afrohet vitit të tij të dytë.

“Presidentët do të diskutojnë luftën në Ukrainë, mbështetjen për Ukrainën dhe integrimin e saj në Bashkimin Evropian dhe NATO”, tha zyra e Nauseda në një deklaratë, shkruan Reuters, transmeton Klankosova.tv.