Erdogan e nënshkruan protokollin për anëtarësimin e Suedisë në NATO

Presidenti i Turqisë Recep Tayyip Erdogan, e ka nënshkruar protokollin për anëtarësimin e Suedisë në NATO.

Ky protokoll është dërguar në Asamblenë e Madhe Kombëtare të Turqisë, për t’u ratifikuar.

Kjo u bë e ditur nga Drejtori për Komunikim e Presidencës turke, shkruan Asociated Press përcjell Klankosova.tv

Erdogan e kishte kushtëzuar anëtarësimin e Suedisë në Aleancën Veriatlantike.

Shefi i shtetit turk e kishte akuzuar shtetin Stokholmin se ishte shumë i butë ndaj militantëve kurdë dhe grupeve të tjera që ai i konsideron si kërcënime të sigurisë.

Shteti turk po ashtu shfaqi zemërimin si pasojë e një sërë protestash për djegien e Kuranit në Suedi.

31 aleatët e NATO-s duhet të mbështesin anëtarësimin e Suedisë.

Deri më tani, vetëm Turqia dhe Hungaria janë dy aleatët e vetëm që ende nuk e kanë ratifikuar atë.