Spitali i vetëm onkologjik i Gazës detyrohet të mbyllet në mungesë të karburantit

Zyrtarët shëndetësorë në Gaza thanë se i vetmi spital onkologjik në territorin palestinez do të mbyllet brenda 48 orësh.

Një deklaratë nga Dr Sobhi Skik, drejtor i përgjithshëm i Spitalit të Miqësisë Turke, tha se mungesat e karburantit po ndikonin në aftësinë e objektit për të ofruar kujdes për pacientët me kancer.

Spitali do të ndalojë “pjesë të mëdha të shërbimeve të tij” dhe pjesa e mbetur do të mbyllet “më së voni brenda 48 orëve”, duke i lënë të gjithë pacientët me kancer në Gaza pa kujdes shëndetësor kritik, thuhet në deklaratë, raporton “Guardian”, transmeton Klankosova.tv.

Spitalet në Gaza “kanë hyrë në një fazë kolapsi virtual”, tha të martën një zëdhënës i ministrisë së shëndetësisë së Gazës.