ASISTI 544: Vera 2023 e Përfaqësueseve të Kosovës në Basketboll

Fillimi i para-kualifikimeve të Kosovës për Eurobasketin 2025 dhe përgatitjet e 12 viganëve dardan nën udhëheqjen e Rami Hadarit për duelin e parë me Zvicrën.

Plus, grupmoshat e reja të basketbollit kosovar në ASIST : suksesi i Kosovës U-20 në Evropianin e Divizionit B dhe përgatitjet e Kosovës U-16 për kampionatin që organizohet nga 19 deri më 27 korrik në Prishtinë.

Pas rekapitullimit të edicionit të kaluar i cili ishte një ndër stinorët më interesant viteve të fundit dhe një paralajmërimi për atë se çka na pret në edicionin e ri 2023/24 koha është për Përfaqësuesen e Kosovës për Meshkuj dhe fillimin e kampanjës së Parakualifikimeve për Evropianin 2025.

ASISTI 544 sjell përgatitjet Dardanëve nën dirigjimin e selektorit Rami Hadar për ciklin e ri të Para-kualifikimeve për Eurobasketin 2025 që Kosova i fillon të mërkurën në “Sezai Surroi” kundër Zvicrës.

12 viganët dardan nën udhëheqjen e Rami Hadarit po përgatiten maksimalisht për duelin e parë me Zvicrën.

Sa është e gatshme Kosova për Zvicrën, këtë na e tregon selektori Haddar, vetëm dhe ekskluzivisht në ASIST i cili ishte në kampin stërvitor.

Çka tha amerikani i ri i Kosovës, Dominic Artis ?

Si po e ndien vetën i rikthyeri Lis Shoshi?

Çka porositën katër musketarët tanë: Dardani, Driloni, Gëzimi e Erjoni?

Për më tepër, ASIST-i sonte sjell edhe lajme për grupmoshat e reja të basketbollit kosovar.

Përmbledhja e paraqitjes së suksesshme të Kosovës U20 në Kampionatin Evropian për Meshkuj U20 të Divizionit B i cili u mbajt në Shkup ku shpresat e basketbollit tonë zunë pozitën 11 dhe përgatitjet e Kosovës U-16 për kampionatin që organizohet nga 19 deri më 27 korrik në Prishtinë.

Mysafirë special të ASISTIT 544 janë selektori i Kosovës U16 Driton Obërtinca, dhe dardanët e ri, Yll Kastrati e Mal Tusuni.

Gjitha këto dhe shumë më tepër sonte në ASISTIN 544 i cili i dedikohet ekskluzivisht përfaqësueseve të Kosovës nga ora 21:00 në Sport 1 në Artmotion dhe 30 minuta pas mesnate në Klan Kosova, me asistuesin tuaj Agon Fehmiun.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS