Kurti: Nuk do të konfiskohen dokumentet e Serbisë, është lajm i rremë

Kryeministri i Kosovës Albin Kurti, i ka përgënjeshtruar lajmet se dokumentet e Serbisë do të konfiskohen nga autoritetet kosovare.

Kurti në mbledhjen e qeverisë tha se më 1 gusht ishin lëshuar 2 mijë dokumente hyrja-dalje.

Ai theksoi se dezinformimi paraqet rrezik të madh.

“Kam dëgjuar për lajmin e rreme që dokumentet serbe do të konfiskohen në kufi nuk është e vërtetë. Me 1 gusht ishin lëshuar mbi 2 mijë dokumente për hyrje dalje. Po jetojmë në një epokë sfiduese dhe na duhet kujdes i shtuar. Dezinformimi paraqet rrezik mjaft të madh. Fushata jonë e informimit do të vazhdojë kur do të rifillojnë së zbatuari dy vendimet tona. Barrikadat që vendosen në veri vijnë nga lartë” – tha Kurti.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.