Si është të jetosh në Malajzi? (FOTO)

Në fillim të këtij viti, një fotograf francez ka udhëtuar për t’i vizituar ishujt më të largët të Malajzisë, me shpresën që të dokumentojë jetën e grupeve Bajau apo “ciganëve të detit” të cilët jetojnë në këto zona.

Fotografitë paraqesin mënyrën e jetës së tyre në vende ku civilizimi ende nuk ka prekur. Imazhet janë realizuar në ishullin e Borenos, që ndodhet në lindje të bregdetit të Malajzisë në afërsi të qytetit Sabah, shkruan Business Insider, transmeton Klan Kosova.

Anëtarët e grupit Bajau jetojnë në barka të vogla dhe i kalojnë ditët duke lundruar në oqean, në përpjekje për të grumbulluar ushqim nga peshkimi.

Në fytyrat e fëmijëve vërehet një lumturi e madhe që buron nga shpirti i tyre. Ata mund t’i gjesh në ujë duke luajtur me njëri tjetrin gjatë gjithë ditës.

Ata edhe lundrojnë të vetëm në varka prej druri. Pothuajse secila familje e fshatit, ka nga 5 fëmijë.

Gratë i lindin fëmijët në kasollet prej druri që janë të ndërtuara në ujë e shumica prej njerëzve Bajau, e kalojnë tërë jetën e tyre në fshatin e vogël ku janë lindur.