Dorëhiqet drejtori për arsimin në Fushë Kosovë

Drejtori komunal për arsim në Fushë Kosovë, Islam Shabani, ka njoftuar se ka dhënë dorëheqje nga ky post.

Ai për arsye ka cekur mospajtimet e tij me kryetarin e kësaj komune, Burim Berishën, por nuk i ka cekur se cilat janë ato.

“Arsye janë mospajtimet e mia me kryetarin e komunës së Fushë Kosovës për gjendjen e krijuar në arsimin e komunës sonë”, shkruan Shabani.

“Vazhdimi i punës së mëtejme thjesht ka qenë i pamundur. Për shkak të situatës aktuale dhe keqkuptimeve të mundshme, arsyet më të detajshme do t’i sqaroj më vonë”.