“Gjyqtarët dhe prokurorët në veri dekretohen kur për këtë vendos Hashim Thaçi” NULL NULL 20.10.2017 08:55 20.10.2017 08:55 Kosovo's new President Hashim Thaci looks on during the Presidential inauguration ceremony in Pristina, Kosovo April 8, 2016. REUTERS/Armend Nimani/Pool Dekretimi i gjyqtarëve dhe prokurorëve nga komunitetet joshumicë bëhet vetëm atëherë kur për këtë gjë vendos i pari i vendit, kanë thënë nga zyra e këtij të fundit Presidenca e Kosovës ka mohuar pretendimet e zyrtarëve të lartë serbë se dekretimi i gjyqtarëve dhe prokurorëve në veri të vendit do të bëhet të premten ose të hënën. Në një përgjigje me shkrim për Klan Kosovën thuhet se “dekretimi i gjyqtarëve dhe prokurorëve të komuniteteve joshumicë bëhet vetëm atëherë kur për këtë vendos Presidenti i Kosovës”. Dy ditë më parë, presidenti i Serbisë, Aleksander Vuçiq, pati thënë se kjo çështje do të finalizohet të premten apo më së largu të hënën, duke shprehur revoltën për vonesën, siç e ka quajtur ai, në formimin e Asociacionit të Komunave me shumcës serbe. Për gjyqësorin në veri të enjten ka folur edhe drejtori i Zyrës për Kosovë, Marko Gjuriq, i cili ka theksuar se pret që të premten të përmbyllet dekretimi i gjyqtarëve dhe prokurorëve, meqë pala serbe është gati për këtë gjë.
