ZYRTARE: Përparim Islami vazhdon kontratën me Feronikelin

Futbollisti Përparim Islami, ka vazhduar kontratën me skuadrën e Feronikelit.

Islami ishte pjesë e Feronikelit edhe gjatë sezonit të kaluar, ku në ndeshje kundër Ballkanit ishte lënduar duke këputur ligamentet e gjurit të këmbës së majtë, njofton Klan Kosova.

“Feronikeli përveç që ka kryer shpenzimet e operimit të Islamit, i ka ofruar atij kontratë të re, duke përfshirë edhe kohën sa është në rikuperim nga lëndimi”, shkruan Nikli në njoftimin zyrtar.

“Kontrata e re dëshmon që klubi nuk i ka harruar asnjëherë shërbimet dhe paraqitjet dinjitoze të Përparim Islamit”.

Mbrojtësi pritet që paraqitjet e para në fanellën gjelbër e bardhë t’i bëjë në fund të këtij viti ose në fillim të vitit të ardhshëm, ateherë edhe kur pritet të rikthehet nga lëndimi i pësuar.