Zvicër: Motra vret vëllaun më pas edhe veten

Një ngjarje e rëndë ka ndodhur në Zvicër.

26 vjeçarja Eliza Z, e ka plagosur për vdekje vëllaun e saj Giuseppe Z, 25 vjeçar dhe më pas ka bërë edhe vetëvrasje.

Ngjarja tragjike ka ndodhur në qytetin Frick që ndodhet në kantonin e Aargaut.

Trupat e pajetë të dy viktimave janë gjetur brenda një banese.

Kjo u bë e ditur nga Prokuroria e Kantonit të Aargaut, shkruan Blick.ch përcjell Klankosova.tv.

Prokuroria njofton se në vendin e ngjarjes është gjetur një thikë që dyshohet se mund të jetë edhe arma e krimit.

Siç raporton kjo gazetë organi i akuzës po i zhvillon tutje hetimet derisa ka përjashtuar mundësinë që në rast të jetë i përfshirë edhe pala e tretë.
Akoma nuk dihen shkaqet që ka çuar deri tek kjo tragjedi.

Policia kishte pranuar një telefonatë urgjente në mëngjesin e së martës rreth orës 5.

Ekipet emergjente kishin shkuar në vendin e ngjarjes por që ishin larguar më pas.

Hyrja e banesës ku dyshohet se ka ndodhur krimi ishte e bllokuar nga policia.

Fqinjët ishin shumë të shqetësuar.

Prindërit e viktimave të cilët kishin jetuar me ata, janë strehuar tek të afërmit dhe po mbikëqyren nga një ekip kujdesi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.