Zidane… I Realit, i Juventusit, i Futbollit NULL NULL 05.05.2015 17:31 05.05.2015 17:31 Zidane është ndoshta lojtari më i madh në histori që ka luajtur kaq shpesh me skuadra të ndryshme kundër njëra tjetrës. Është prej futbollistëve më të mëdhenj në histori të futbollit. Për shumë, më i madhi. Eleganca, saktësia dhe aftësia për ta kontrolluar topin si rrallëkush i ka siguruar vend Zinedine Zidane-it në kulmin e futbollit botëror. Francezi që ka fituar gjithçka, ka edhe një veçanti që përmendet saherë flitet për përballjen e futbollistëve me ekipet ku kanë luajtur dikur. Ai ka luajtur për Juventusin kundër Real Madridit, dhe anasjelltas – për Real Madridin kundër Juventusit. Përballjen në fanellën e Juventusit Zidane e zhvilloi në vitin 1998, në finale të Champions League. Paraqitja e tij ishte e magjishme, por kjo nuk i ndihmoi Juves ta fitojë ndeshjen. https://www.youtube.com/watch?v=uB9CB2gcd8A Ishte malazezi Predrag Mijatoviq ai që me gol në minutën 66 u dha mbretërve “Të Shtatën”. Tri vite më vonë, Zizu kaloi tek Mbretërit për t’i vënë themelet e ekipit që njihet si “Galacticos”. Qysh në edicionin pasues ai do të ndeshej me ish-skuadrën e tij. Ndeshja e parë u luajt në “Santiago Bernabeu” dhe përfundoi me fitore të mbretërve 2:1, por prapë me Zidane jashtë listës së realizatorëve. Në takimin e kthimin në “Delle Alpi”, Zidane do ta shënonte golin e nderit për madrilenët, që u eliminuan pas humbjes 3:1. Kjo ishte hera e fundit që Juventus e prekte finale, apo gjysmëfinalen, deri sivjet. https://youtu.be/abLKFn3ZyAk?t=375 Zidane luajti edhe dy herë tjera me Juventusin në fanelën mbretërore, për të mos shënuar asnjëherë. https://www.youtube.com/watch?v=0kjIgXHdMec klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
