Zhegrova feston 27-vjetorin në finalen historike ndaj Turqisë

Një nga futbollistët më të dashur të tifozëve kosovarë, Edon Zhegrova, do ta përjetojë një nga ditët më të mëdha të karrierës së tij. Sulmuesi i krahut të Përfaqësuesja e Kosovës nesër jo vetëm që do të jetë pjesë e ndeshjes më të rëndësishme për vendin, por njëkohësisht feston edhe ditëlindjen e tij të 27-të.

Kosova do të përballet me Përfaqësuesen e Turqisë në finalen e “play-off”-it për kualifikim në Kupën e Botës, një duel që pritet me emocione të mëdha nga tifozët dardanë. Në këtë përballje historike, vëmendja do të jetë padyshim te Zhegrova.

Me shpejtësinë, teknikën dhe guximin e tij në fushë, Zhegrova është shndërruar në simbol të shpirtit luftarak të Kosovës, duke fituar epitetin “luani” i kombëtares.

Një fitore ndaj Turqisë do të ishte dhurata më e bukur për ditëlindjen e tij dhe një moment historik për futbollin kosovar , kualifikimi i parë në një Kupë Bote.

Të gjitha sytë nesër do të jenë te Zhegrova dhe te djemtë e Kosovës, në një ndeshje që mund të shkruajë historinë./Klankosova.tv