Zgjedhjet brenda PDK-së

Punimet e Kuvendit i hapi me fjalë rasti, kryetari i Partisë Demokratike të Kosovës, Z. Hashim Thaçi. Ai me këtë rast i përgëzoi anëtaret, veprimtaret dhe drejtueset e Gruas Demokratike në gjithë vendin për angazhimin dhe përkushtimin e tyre duke kontribuar në zhvillimin e gjithanshëm të Partisë Demokratike të Kosovës.

Më pas me një fjalë rasti Kuvendit iu drejtua edhe zv.kryetari i PDK-së, z.Kadri Veseli. Z.Veseli vuri në dukje se duhet bërë edhe më shumë në fuqizimin e gruas në të gjitha fushat e jetës.

Raportin e punës e lexoi Dr. Flora Brovina, dhe Kuvendi po i vazhdon punimet sipas rendit të ditës. Në Kuvend zgjedhor po marrin pjesë më shumë se 500 përfaqësuese të të gjitha degëve të Gruas Demokratike, si dhe mysafire nga vendi dhe bota.