Zelenskyy: Evropa nuk mund të garantojë sigurinë e Ukrainës pa Amerikën

Në një intervistë për “The Guardian”, Volodymyr Zelenskyy ka deklaruar se Evropa nuk mund të garantojë sigurinë e Ukrainës pa Amerikën.

“Nëse Donald Trump nuk e mbështetë Ukrainën, Evropa e vetme nuk do të jetë në gjendje të mbushë boshllëkun. Ka zëra që thonë se Evropa mund të ofrojë garanci sigurie pa amerikanët, dhe unë them gjithmonë jo. Garancitë e sigurisë pa Amerikën nuk janë garanci reale të sigurisë”, ka paralajmëruar Volodymyr Zelenskyy.

Trump ka thënë se dëshiron t’i japë fund luftës në Ukrainë , por skeptikët kanë frikë se një marrëveshje e ndërmjetësuar nga SHBA mund të përfshijë detyrimin e Ukrainës që të kapitullojë ndaj kërkesave të Vladimir Putinit.