Zëdhënësi i AAK-së i reagon Gërvallës: Veç mocioni me i çu në shpi është zgjidhja

Zëdhënësi i Aleancës për Ardhmërinë e Kosovës, Kushtrim Xhemaili ka reaguar pas deklaratës së Punëve të Jashtme, Donika Gërvalla se BE-ja është një “tigër letre”.

Përmes një postimi në rrjetin social Facebook, ai ka thënë se mocioni është zgjidhja e vetme, përcjell Klankosova.tv.

“Dështim pas dështimi si kryediplomate, pa asnjë sukses për më shumë se dy vjet, Gërvalla paska vendosur t’i japë leksione BE-së duke përdorur një idiomë të Mao Ce Dun, komunistit kinez”.

“Të gjendur në sanksione nga ShBA dhe BE dhe në rrugë të pashpresë, ky akt është edhe një arsye të besohet që veç mocioni me i çu n’shpi është zgjidhja, para se dëmi të bëhet i pariparueshëm për vendin”, është shprehur tutje Xhemaili.

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.