Will Smith i ka dy javë afat “për ta shpëtuar karrierën e tij”

Aktori Will Smith i ka dy javë në dispozicion për të apeluar te akademia që t’i falet veprimi që e kishte bërë në ceremoninë e Oskarëve.

Smtih e kishte goditur me shuplakë komikun Chris Rock pasi nuk i kishte pëlqyer një shaka e këtij të fundit drejtuar bashkëshortes së tij.

Raportohet që Smith do t’i telefonojë shefat e Oskarit në 24 orët e ardhshme për ta mbrojtur çështjen e tij.

“Gjërat janë as andej, as këndej. Ai do ta shkruajë një letër zyrtare të kërkim-faljes, dhe efektivisht do të lutet për faljen e tyre”, ka thënë një burim i afërt i Smithit për The Sun.

“18 prilli është Dita D, andaj ai do ta kuptojë nëse ende e ka një Oskar, apo një karrierë”.