Vuçiqi në takim me Lajçakun insiston në Asociacion, thotë se Serbia është e gatshme për dialog

Presidenti i Serbisë, Aleksandar Vuçiq, gjatë takimit që ka pasur me emisarin special të BE-së për dialogun Kosovë – Serbi, Miroslav Lajçak, ka insistuar në formimin e Asociacionit të Komunave me Shumicë Serbe.

Gjatë takimit që pati me Lajçakun, bëhet e ditur se Vuçiqi ka thënë se Serbia është gjithmonë e gatshme për dialog dhe për të respektuar gjithçka që është nënshkruar dhe rënë dakord, shkruan Novosti, transmeton Klankosova.tv.

Kujtojmë se javën e kaluar, emisari i BE-së për dialog, Miroslav Lajçak, qëndroi në Prishtinë ku u takua me kryenegociatorin e Kosovës, Besnik Bislimin.

Pas takimit bëri të ditur se ranë dakord për hapat e ardhshëm në dialog.