Vuçiq flet me Ramën për aktualitetin: Shpresojmë të triumfojë arsyeja, për të mirën e të gjithëve NULL NULL 01.06.2023 11:47 01.06.2023 11:47 Presidenti i Serbisë, Aleksandar Vuçiq e ka takuar Kryeministrin e Shqipërisë, Edi Rama gjatë Samitit të Komunitetit Politik Evropian. Vuçiq ka thënë se me Ramën por edhe disa liderë të tjerë rajonalë, të ketë diskutuar mbi zhvillimet e fundit, që nënkuptohet për situatën në veri të Kosovës. “Ne në rajon e dimë më së miri se sa me rëndësi është që të bëjmë përpjekje të përbashkëta për ta ruajtur paqen dhe stabilitetin e fituar me vështirësi. Folëm për zhvillimet e fundit dhe hapat e mëtejmë që mund të kontribuojnë në gjetjen e zgjidhjes ndaj situatës aktuale të vështirë dhe serioze”, ka shkruar Vuçiq, njofton KlanKosova.tv. “Shpresoj që arsyeja do të triumfojë, për të mirën e të gjithëve”. Në tekstin e publikuar në profilin e tij në Facebook, Vuçiq i është referuar Ramës si “Kryeministër i Maqedonisë së Veriut”, duke e ngatërruar atë me Dimitar Kovaçevskin. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
