Vritet lideri i Al Qaeda në Jemen NULL NULL 16/06/2015 16/06/2015 Vdekja e Al-Wuhayshi cilësohet si goditja më e madhe që i është bërë grupit terrorist, qysh nga vrasja e liderit Osama Bin Laden në vitin 2011. Është konfirmuar se lideri i Al Qaeda në Gadishullin Arabik, Nasser al-Wuhayshi, është vrarë nga një sulm ajror nga forcat amerikane në Jemen. Vrasja e tij është pranuar nga grupi terrorist në një video në internet, shkruan BBC, transmeton Klan Kosova. Al-Wuhayshi, është parë si njeriu i dytë më i rëndësishme në hierarkinë e Al Qaeda-s, dhe ishte sekretari privat i Osama Bin Laden, derisa ky i fundit ishte gjallë. Vdekja e Nasser al-Wuhayshi cilësohet si goditja më e madhe që i është bërë grupit terrorist, prej vrasjes së liderit Bin Laden në vitin 2011 në Pakistan./Klan Kosova.
