Verstappen pole, McLaren shkëlqen në Silverstone

Piloti holandez Max Verstappen ka qenë brilant duke fituar pozitën e parë startuese në shtegun Silverstone.

Në kualifikimet e garës për shpërblimin e madh të Britanisë ai e arriti pole position për herë të 5 rresht ndërsa të 7-ën këtë sezon përcjell klankosova.tv.

Megjithatë kampioni aktual i botës u sfidua fortë nga ekipi McLaren.

Verstappen e fitoi pozitën e parë startuese në tentimin e fundit.

Ndërsa shumë vëmendje mori ekipi McLaren që shkëlqeu në Silverston duke marr pozitat dy dhe tre.

Të dielën Lando Norris do të startoj pas Max Verstappen-it.

Kurse vendin e tretë e siguroi debutuesi në Formula 1, Oscar Piastri.

Gara për shpërblimin e madh të Britanisë zhvillohet të dielën nga ora 16:00 dhe transmetohet në Artmotion.