Vdes në moshën 34 vjeçare këngëtari Aaron Carter

Ka ndërruar jetë në moshën 34 vjeçare këngëtari dhe rep artisti, Aaron Carter, i cili ishte i njohur edhe si vëllai më i vogël i Nick Carter të “Backstreet Boys”.

Carter u gjet i vdekur në banjën e shtëpisë së tij në Lancaster të Kalifornisë, shkruan TMZ, transmeton Klankosova.tv.

“Tani për tani është një kohë vërtet e keqe, ne po përpiqemi të kuptojmë se çfarë ndodhi dhe cili ishte shkaku i saj”, thanë përfaqësuesit e ekipit të tij.

“Ne jemi po aq të mërzitur sa të gjithë dhe shpresojmë që fansat të mund t’i japin mendime dhe lutje familjes së tij”, shtun ata.

Artisti kishte filluar të performonte në moshën shtatë vjeçare dhe publikoi albumin e tij debutues në vitin 1997 në moshën nëntë vjeç, duke shitur një milion kopje në mbarë botën.

Albumi i tij i dytë Aaron’s Party (Come Get It) i vitit 2000 shiti tre milionë kopje në Shtetet e Bashkuara dhe Carter filloi të bënte paraqitje si i ftuar i Nickelodeon me Backstreet Boys.

Albumi tjetër i Carter, “Oh Aaron”, gjithashtu u bë platin dhe muzikanti publikoi atë që do të ishte albumi i tij i fundit në studio për 16 vjet, “Another Earthquake”, në vitin 2002, i ndjekur nga koleksioni i tij i hiteve më të kërkuara në vitin 2003.