Vdes Ed King, kitaristi i Lynyrd Skynyrd

Kitaristi i bendit Lynyrd Skynyrd, Ed King, ka vdekur në moshën 68 vjeçare.

Ai mësohet të ketë dhënë frymën e fundit në shtëpinë e tij në Nashville të Tennessee-së.

“Me pikëllim të madh ju njoftojmë për vdekjen e Ed King i cili u nda nga jeta në Nashville të Tennessee-së më 22 gusht, 2018”, thuhet në njoftimin e publikuar në llogarinë e tij në Facebook.

“I falënderojmë fansat dhe miqtë e tij të shumtë për dashurinë dhe përkrahjen ndaj Edit në jetën dhe karrierën e tij”.

King ishte pjese e rëndësishme e grupit që e popullarizoi nën-zhanrin e Rokut Jugor, dhe është bashkë-autor i një prej hiteve të tyre kryesore, Sweet Home Alabama, transmeton Klan Kosova.

Ai iu ishte bashkuar atyre më 1972 duke i krijuar tri albume me ta, por ishte larguar tre vjet më vonë.