Vdes boksieri turk në moshën 29-vjeçare

Boksieri turk në kategorinë super të mesme, Cem Kilic ka vdekur në moshën 29-vjeçare.

Kilic, i cili kishte lindur në Gjermani përpara se të zhvendosej në Los Anxhelos të Shteteve të Bashkuara të Amerikës si adoleshent për të çuar përpara karrierën e tij, kishte luftuar me varësinë nga substancat dhe problemet e shëndetit mendor në vitet e fundit.

Sipas Boxing Scene, një mbidozë ishte shkaku i vdekjes, ndërsa u konfirmua nga presidenti i Federatës Turke të Boksit, Eyup Gozgec.

Kilic, i cili ishte llogaritur si ndër boksierët më premtues, kishte fituar 17 nga 18 ndeshjet në boksin profesionist.

Ai luftoi 18 herë si profesionist pasi bëri debutimin e tij në 2014 dhe humbi vetëm një herë nga Steven Nelson i Amerikës.

Bokseri turk kishte luftuar së fundmi në gusht të vitit 2022, me një vendim unanim të gjyqtarëve kundër Marco Delgados. /Klankosova.tv.