Vdes aktori i Sopranos Bob LuPone

Aktori Bob LuPone ka vdekur në moshën 76-vjeçare.

LuPone, vëllai i ikonës së Broadway-it, Patti LuPone, vdiq të shtunën pas një beteje trevjeçare me kancerin në pankreas, sipas Matt Ross Public Relations.

Ai kishte qenë i nominuar një herë për Tony, për paraqitjen e tij në A Chorus Line, ndërkaq te kult seria Sopranos, ai e luante rolin e mjekut të familjes.

LuPone po ashtu ndihmoi në themelimin dhe udhëheqjen e kompanisë teatrore MCC Theater për gati 40 vjet.