Vazhdon seanca për sulmin në Banjskë, të akuzuarit dalin para gjykatës

Në Gjykatën Themelore të Prishtinës, po mbahet seanca gjyqësore për sulmin në Banjskë të Zveçanit, ku pati mbetur i vrarë rreshteri policor, Afrim Bunjaku.

Para gjykatores janë sjellë tre të akuzuarit, Blagoje Spasojeviq, Vladimir Toliq dhe Dushan Maksimoviq, transmeton Klankosova.tv.

Në seancën e së enjtes, prokurori i rastit, Naim Abazi, propozoi administrimin e disa provave, përfshirë dy raporte përmes ndihmës juridike ndërkombëtare nga Amerika.

Por mbrojtja, përmes avokatëve Ljubomir Pantoviq, Millosh Deleviq dhe Jovana Fillipoviq, kundërshtuan ligjshmërinë dhe relevancën e provave.

Ndryshe, Toliq dhe Maksimoviq, kërkuan që fotografitë dhe video-incizimet të përdoren për të dëshmuar pafajësinë e tyre.