22:19, 16 Tetor 2019

Analisti politik, Valon Syla, ka thënë se vota e diasporës nuk mund të përbëjë ndonjë ndryshim në rezultatin e përgjithshëm.

Sipas Sylës nga numërimi i përmbi 75 për qind të votave të diasporës deri më tani u pa që Vetëvendosja është gjysma e shijes së saj, njofton Klan Kosova.

“Sipas rezultateve të numëruara deri më tani del që Vetëvendosje është e para, LDK e dyta dhe PDK e treta që nuk e prish edhe rezultatin vendor. Shihet që kërkesa dhe euforia ishte e madhe për të votuar nga diaspora. Me gjasë që edhe një pjesë ishte e nxitur edhe për fabrikim të votave, për të cilat ka pasë edhe akuza të përfaqësuesve të partive politike në bord të KQZ-së”.

“Në esencë vota e diasporës është më shumë një zhurmë e rrjeteve sociale sesa që ka ndonjë ndikim në rezultat po aq sa në ndryshimin e kahut”.

“Votimi me postë është pak i vështirë dhe ka mundësi të fabrikohet e që gjithmonë është monitoruar më shumë për shkak edhe të votimit me postë që mund të ndodhë edhe nga Serbia, për çka KQZ e ka shikuar me një kujdes më të madh”.

“Nga të gjitha këto vota atë që vërejmë është se Vetëvendosja është thuajse gjysma e shijes së diasporës dhe gjysma tjetër është PDK, LDK dhe partitë e vogla janë gjysma tjetër”.

“Pra nëse e analizojmë rezultatin e mbi 70 për qind të votave i bie që VV-ja ka rreth 50 për qind të votave të diasporës ndërsa LDK dhe PDK me ka 1600 vota. Nëse dikush mendon se vota e diasporës mund të bëjë ndryshimin është e fryrë dhe euforike dhe nuk mund të ketë implikim në rezultatin final apo ndryshimin nga vendi i parë te i dyti e të tjerë”.

Sa i përket Nismës, Syla në Analiza Zgjedhore tha se nëse do ta kalonte pragun dhe do të hynte në qeveri do të përbënte ndryshim e veçanërisht për Vetëvendosjen.

“Hyrja e Nismës më shumë i konvenon LDK-së sepse ka një disponim për bashkëpunim. LDK i druhet një bashkëpunimi me Vetëvendosjen dhe mendoj që me Nismën do të krijonin një tjetër balancë”.

“Te Nisma kemi parë një dëshirë për t’u bërë pjesë e qeverisë e te VV-ja shoh ndrojtje që mund ta pranonte Nismën në lojë. Futja e Nismës dhe partive të tjera të komuniteteve do ta bënte Kurtin një kryeministër me qeveri të shpërndarë”.

Konkurs Pune

Lexo më shumë