Universiteti i Prishtinës organizon edicionin e dytë të Forumit “Bashkë në shkencë”

Universiteti i Prishtinës do të mbajë sot edicionin e dytë të Forumit “Bashkë në shkencë”.

Forumi do të shërbejë si platformë diskutimi dhe shkëmbimi të ideve për zhvillimin e kërkimit shkencor dhe krijimin e partneriteteve të reja akademike.

Në këtë aktivitet pritet të marrin pjesë studiues nga diaspora, profesorë dhe staf akademik i Universitetit të Prishtinës, të cilët do të diskutojnë mbi mundësitë e bashkëpunimit dhe avancimit të shkencës.

Forumi do të mbahet në sallën e vogël të Bibliotekës Kombëtare “Pjetër Bogdani”, duke filluar nga ora 10:00.