Ukraina i kërkon UNESCO-s mbrojtje kulturore të Odesës

Ukraina do t’i kërkojë mbikëqyrësit kulturor të OKB-së që ta shtojë portin historik të Odesës në listën e trashëgimisë botërore të vendeve të mbrojtura, derisa pushtimi i Rusisë vazhdon, ka thënë agjencia.

Në fund të korrikut, qyteti u godit me raketa vetëm disa orë pasi Rusia ra dakord të lejonte një dërgesë të eksporteve të grurit ukrainas nga porti.

“Më 24 korrik, një pjesë e mbulesës së xhamit dhe dritareve të Muzeut të Arteve të Bukura, të inauguruar në vitin 1899, u shkatërruan nga bastisjet”, tha agjencia kulturore e OKB-së UNESCO, pasi drejtori i përgjithshëm i saj, Audrey Azoulay, u takua me ministrin e Kulturës së Ukrainës, Oleksandr Tkachenko, në Paris, raporton Al Jazeera, përcjell Klankosova.tv

Ai tha se ekspertët e UNESCO-s tashmë në terren do të ofrojnë ndihmë teknike në mënyrë që Odesa të mund të shtohet urgjentisht si në listën e trashëgimisë botërore ashtu edhe në listën e vendeve të trashëgimisë në rrezik.