Trumpi thotë se 11 persona u vranë në sulmin amerikan ndaj anijes që transportonte drogë nga Venezuela

Presidenti amerikan Donald Trump thotë se SHBA-ja ka kryer një sulm kundër një anijeje që transportonte drogë në jug të Karaibeve, duke vrarë 11 “narkoterroristë”.

Ai postoi në mediat sociale se operacioni ushtarak amerikan i së martës kishte synuar anëtarët e bandës venezueliane Tren de Aragua.

Trump tha se anija ishte në ujëra ndërkombëtare dhe po transportonte narkotikë të paligjshëm me destinacion SHBA-në, raporton BBC, transmeton Klankosova.tv.

Administrata Trump ka shtuar presionin ushtarak dhe politik kundër Presidentit të Venezuelës Nicolas Maduro në javët e fundit, duke përfshirë edhe një shpërblim prej 50 milionë dollarësh që do të çojë në arrestimin e tij për akuzat e trafikimit të drogës.

Maduro është zotuar se Venezuela do të luftojë çdo përpjekje për ndërhyrje ushtarake amerikane.