Trumpi po i ndjek rezultatet me Muskun

Ish-presidenti amerikan, Donald Trump, i ka mbledhur në klubin e tij privat në Mar-a-Lago, bashkëpunëtorët e tij më të afërt.

Ai ka organizuar një aheng për natën e zgjedhjeve presidenciale amerikane, ku po i përcjell LIVE rezultatet e garës së tij kundër kandidates demokrate, Kamala Harris.

Mes të pranishmëve është edhe moguli Elon Musk, njëherësh njeriu më i pasur në botë dhe pronari i SpaceX dhe X, i cili tashmë njihet si përkrahës i Trumpit.

Vetë Musku e ka ripostuar një fotografi në X ku shihet duke folur me Trumpin në ahengun e këtij të fundit.