Trump: Do t’i jap fund luftës në Ukrainë brenda një dite, nëse rizgjidhem president

Ish-presidenti i ShBA-së, Donald Trump, ka thënë se do të ishte në gjendje t’i jepte fund luftës në Ukrainë brenda një dite, nëse zgjidhet përsëri president.

Në një intervistë me Nigel Farage në GB News, Trump tha se do t’i duheshin 24 orë për ta ndalur konfliktin Ukrainë-Rusi.

“Do ta bëja që të merrte fund. Do të ishte e lehtë”, u shpreh Trump, shkruan Skynews, përcjell Klankosova.tv

Duke e quajtur luftën një “katastrofë” që “duhet të ndalet”, ai shtoi: “Ajo marrëveshje do të ishte e lehtë. Shumica ka të bëjë me paratë”.

Trump, i cili më parë është mburrur për marrëdhëniet e tij të ngushta me presidentin rus Vladimir Putin, tha se dyshja “kaluan mirë”.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.