Tronditëse: E filmoi veten me një kukull seksi, 32-vjeçari abuzoi 582 herë me fëmijë

Një 32-vjeçar në Shtetet e Bashkuara është përballur me 582 akuza penale të lidhura me abuzim seksual ndaj fëmijëve, pasi autoritetet pretendojnë se gjatë hetimeve i janë gjetur materiale të shumta të abuzimit seksual me fëmijë dhe një kukull seksuale e krijuar në formën e një fëmije.

Huete Vivas u arrestua në shtetin e Luizianës pas një hetimi policor, gjatë të cilit, sipas autoriteteve, janë zbuluar qindra skedarë me përmbajtje të paligjshme, si dhe regjistrime ku dyshohet se ai komunikonte me fëmijë dhe i nxiste ata të ekspozoheshin, raporton Daily Star, transmeton Klankosova.tv.

Hetuesit pretendojnë se në pajisjet e tij janë gjetur edhe materiale që lidhen me një kukull seksuale për fëmijë, e cila më pas është sekuestruar në një pronë të lidhur me të dyshuarin.

Sipas autoriteteve lokale, Vivas, shtetas i Nikaraguas, ndodhej në SHBA pa dokumentacion të rregullt. Pas arrestimit, ai dyshohet se ka pranuar se e kishte blerë kukullën përmes një platforme online, para se ta përdorte për qëllime seksuale.

Prokurorja e Përgjithshme e Luizianës, Liz Murill, njoftoi arrestimin përmes një reagimi publik, duke thënë se hetuesit kanë ngritur akuza të shumta ndaj tij për posedim të materialeve të abuzimit seksual me fëmijë dhe posedim të një objekti të paligjshëm.

“Luiziana nuk është strehë për personat që shfrytëzojnë fëmijët”, ka deklaruar Murill.

Në hetim kanë marrë pjesë disa institucione të zbatimit të ligjit, përfshirë Byronë e Hetimeve të Luizianës, zyrat e sherifëve lokalë, Policinë e Shtetit të Luizianës, si dhe agjenci federale si Homeland Security Investigations dhe ICE.

Rasti mbetet nën hetim, ndërsa i dyshuari përballet me qindra akuza penale./Klankosova.tv