Tre të vdekur dhe 213 të lënduar në Hatay të Turqisë, pas tërmetit të fundit (VIDEO)

Tre persona kanë mbetur të vdekur dhe 213 të tjerë të plagosur, pasi një tërmet me magnitudë prej 6.4 ballë goditi Turqinë, këtë pasdite.

Kështu bëri të ditur ministri i Brendshëm turk, Suleyman Soylu i cili shtoi personat e lënduar janë dërguar në spitale.

Ministri Soylu, i ardhur në qytet pas tërmetit, epiqendra e të cilit ishte distrikti Defne, bëri deklarata në Qendrën Koordinuese Provinciale të Hatay AFAD, shkruan HRT Haber, transmeton Klankosova.tv.

Duke thënë se të gjitha ekipet skanuan zonën pas tërmetit që ndodhi në orën 20.04, Soylu tha: “Jemi informuar se 3 qytetarë tanë, 1 në Antakya, 1 në Defne dhe 1 në Samandag, kanë humbur jetën pas këtij tërmeti. Deri më tani në spitale janë dërguar 213 qytetarë tanë”.

”Në rrënojat po kryhen kërkim-shpëtim. Në rrënojat kemi 3 shtetas, në një tjetër 2 dhe në një tjetër 1 qytetar. Deri më tani janë raportuar 42 janë pranuar dhe janë bërë 42 kallëzime. Në 39 kallëzime nuk ka asnjë rast apo janë larguar nga rrënojat me ndërhyrje të lehta”, tha ai.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.