Tragjedi në fushë futbolli, vdes futbollisti 17-vjeçar i Trepça‘89 (VIDEO)

Futbollisti Erion Kajtazi ka ndërruar jetë gjatë ditës së shtunë derisa ishte duke zhvilluar një ndeshje kampionale të Superligës së Kosovës së juniorëve.

Lojtari i Trepçës ‘89, po luante në Korishë të Prizrenit kundër ekipit A&N në mesditë, ku dyshohet se pësoi sulm në zemër.

Ekipi mjekësor i dhanë ndihmën e parë derisa prej aty viktima u dërgua në spitalin e Prizrenit, njofton Klan Kosova.

Pjesëtarë të të dy ekipeve qëndruan për orë të tëra pranë Emergjencës por asnjëri nga ta nuk pranoi të rrëfej ngjarjen e hidhur.

Gjatë gjithë kohës bashkë me familjarët këtu ishte edhe kryetari i Federatës se Futbollit të Kosovës, Agim Ademi, por i njëjti i tha Klanit se raportin për rastin do ta jep Policia.

Klani mësoi se Erioni ishte djali i vetëm i familjes.