Tajlandë, një burrë dënohet me 50-vjet burgim për shpifje ndaj monarkisë

Një gjykatë tajlandeze ka dënuar një burrë me 50-vjet burgim për komente që mendohet se kanë qenë shpifje për monarkinë – dënimi më i lartë i dhënë ndonjëherë sipas ligjit famëkeq të Lese Majeste të vendit.

Tridhjetë vjeçari Mongkol Thirakot fillimisht u dënua me 28 vjet për postimet që ai bëri tre vjet më parë në Facebook.

Por të enjten një gjykatë e apelit i shtoi dënimit 22 vjet shtesë. Ligji “Lese Majeste” e konsideron krimi çdo koment negativ për monarkinë.

Ligji, i cili është kritikuar gjerësisht, është ende në fuqi pavarësisht zgjedhjes së vitit të kaluar të një qeverie civile për herë të parë në 10 vjet.

Në seancën dëgjimore të enjten, gjyqtari tha se ai kishte ulur tashmë dënimin e Thirakot me një të tretën për shkak të sjelljes bashkëpunuese të të pandehurit.

Detajet e asaj që shkaktoi një dënim kaq të ashpër për Thirakot, një shitës online veshjesh nga provinca Chiang Rai, nuk janë publikuar. Gjykatësi iu referua komenteve të shumta në Facebook, dhe gjykatat tajlandeze zakonisht grumbullojnë dënime shtesë për çdo postim individual.

Ligji” Lese Majeste” u pezullua shkurtimisht në fillim të mbretërimit të mbretit Vajiralongkorn në vitin 2019, por është ringjallur dhe përdorur gjerësisht që nga shpërthimi i protestave të paprecedentë të udhëhequr nga studentët tre vjet më parë, të cilat kërkonin reforma gjithëpërfshirëse në monarki.

Një aktivisti dhe avokati që bëri thirrje për herë të parë për një diskutim publik për monarkinë, Arnon Nampa, gjithashtu iu shtua dënimi me katër vjet të mërkurën, shkruan BBC, transmeton Klankosova.tv.