Sot mbahet akademi letrare me poet shqiptarë, jepet çmimi “Adem Demaçi”

Në Lidhjen e Shkrimtarëve të Kosovës në Prishtinë, sot nga ora 12:00, mbahet akademia letrare artistike “ORA E LIRISË”, manifestim ky tradicional i cili organizohet për të tetën herë me radhë, në shenjë të Ditës së dëshmorëve të kombit, të Epopesë së UÇK-së dhe të komandantit legjendar, Adem Jashari.

Në këtë akademi, punimet e tyre i lexojnë më shumë se 50 poetë nga vise të ndryshme të trojeve shqiptare. Për poezinë dhe krijimtarinë e njërit nga pjesëmarrësit jepet çmimi letrar “Adem Demaçi”.