Sot hyjnë në fuqi masat e reja antiCOVID

Qeveria e Kosovës, gjatë ditës së djeshme ka miratuar masat e reja kundër pandemisë COVID-19, ku ora policore nga sot dot të nis nga 22:00 deri në 05:00.

Tutje, me masat e reja obligohet që kushdo që hyn në territorin e Kosovës duhet t’i ketë të tri dozat e vaksinave

Sa i përket gastronomisë, Qeveria e Kosovës me masat e marra sot ka vendosur që lokalet mund të jenë të hapura deri në orën 21:00, ndërsa muzika lejohet deri në 20:30.

Gjithashtu, me masat e reja qeveria ka ndaluar veprimtarinë e klubeve të natës, organizimin e dasmave, ekskursioneve, dhe të gjitha ahengjeve familjare e shoqërore.