Son do të largohet nga Tottenham pas 10 vitesh

Kapiteni i Tottenhamit, Son Heung-min, thotë se do të largohet nga klubi këtë verë pas 10 vitesh.

Lojtari i kombëtares së Koresë së Jugut iu bashkua Spurs nga Bayer Leverkusen në vitin 2015 dhe ka shënuar 173 gola në 454 paraqitje.

Ai ishte kapiten kur Tottenham mundi Manchester United në finalen e Europa League në maj për të siguruar trofeun e tyre të parë në 17 vjet.

33-vjeçari, i cili ka kontratë me Spurs deri në vitin 2026, është në negociata të avancuara me skuadrën e Major League Soccer, Los Angeles FC, përcjell Klankosova.tv

Son e përshkroi vendimin si “më të vështirin që kam marrë në karrierën time”, ndërsa foli me median së bashku me trajnerin e ri Thomas Frank.

“Erdha në Londrën veriore si fëmijë – në moshë shumë të re, një djalë i ri erdhi në Londër i cili as nuk fliste anglisht. Të largohem nga ky klub si një burrë i rritur është një moment shumë, shumë krenarie”, tha Son.

Tottenhami përballet gjithashtu me Paris St-Germain në Superkupën e UEFA-s më 13 gusht, por Son mund të largohet deri atëherë. / Klankosova.tv