Sllovaki-Kosovë, Sadiku: Sllovakët po frikësohen nga numri i madh i shqiptarëve që do jenë të pranishëm

Drejtori i sportit në Artmotion, Arlind Sadiku ka folur rreth ndeshjes më të rëndësishëm në historinë e Kosovës.

Në emisionin “Ora Shtatë”, Sadiku tha se është befasuese se sa shumë tifozë shqiptarë po fluturojnë drejt Sllovakisë, për të marrë pjesë në këtë ballafaqim ndërmjet dy kombëtareve, transmeton Klankosova.tv.

“Sllovakët janë duke u frikësuar nga numri i madh i shqiptarëve që do të jenë të pranishëm, sepse nga e gjithë Evropa kanë blerë bileta”, u shpreh Sadiku.

Ndërsa ai shtoi se tifozët janë të shqetësuar për shkak se ka paralajmërime që përkrahësit e “Dardanëve” që kanë pasaportë nga Kosova, nuk do të lejohen në stadium.